صعبه حروف عمري الربن بالديوان
الياهو اليضحك انطيهن
وانه الربيت بذره وماي
وياكاع التكعهن انه الفيهن
وحرزهن علك ونيمهن دفو وارجع اغطيهن
وحاجبهن وكلهن نامن بسد حيد ميبدل معانيهن
انه ربات المضايف موش مزنة صيف ماتروي دغل
وتحرك سواجيهن انه حجاية هله من تطلع من احشاي وتدروهه تعزب
وانت لافيهن انه المانام من يقلق رجل منكول اشلون بصاحبي ومغتاض
كلي اشلون دحجيهن دمعات العمر للصاحب المملوح
اهدهن وامشيهن وهدله اعبار ويمه هناك ابجيهن وسولفلك بعد
بس كون تحويهن الوفه بلسم يهدي النار من تغتاض وتعطب اجروحك وانه اداويهن
بعدني بحيل حيل السلم عل الغيم وشتلات عمرك مزكاها الغيض وبكيفي بعد اسكيهن احويهن
*****
صادق حيدر الخفاجي
شاعر / عراقي
Comments are closed.