شيصير لوكان الهوا ويانه وردي
ونكون مثل الماي عاشك أله
البردي
وياريت الأمس غادر يرجع غدا عندي .
……………
وكون انتي غصن واني جذع شجرة
وكون انتي ورد واني ارض حرة
وكون انتي الدوة وگلبي بي علة
وكون انتي الماي واني بحسرة الگطرة
……….
وكون اني جرف وانتي نهر دجلة
وكون اني حضن وانتي بعد طفلة
وكون ابقى ويااااااچ هذا العمر كله
واتمنى يوم الموت انظر إلچ نظرة
أملي بيها العين وتبرد بالگلب حسرة
………
يا وردة انتي…. مايرويچ إلا دمع عيني؟؟
يا نسمة الروح يا فرحة سنيني
كفيلچ العباس اتعنى لحسيني وادعي عليچ بكربلا يلي سبيتيني
كافي هجر كافي مو ذبحتني
*****
محمد خالد
العراق
Comments are closed.