يا أجمل عشق تستاهل انمر بيك
ويالهفة محنة وشوك أحسن من يمر طاريك
وأضل ويه القلم احسب حروف البيك
يا دمعة فرح من تنتهي الاهات
يا حسن الختام الجان يشرح بيك
يا صفوة عشك معجونة للكرار
من ذراك ربك بايعت لبيك
كظيت العمر لحسين تندب والمنايا شهود
وتردد شعارك والوسيلة حسين
يا كل الوسائل والسفن والبوب
يا باب الرجاء وانته كل رجواي
خطارك اجيت واطلبك دمعه
يا معثر الوكت والبخت ضل وياك
متيقن اكلك للزمن رجعه
يا اجمل قصيدة تناغم العنوان
ويا اروع صبر شفت الجبل خجلان
ويا حس الوكت وحجاية للخرسان
يا بيرغ فرافضة وصوت كل مهموم
يا نبض السوالف والألم نهران
يا دلة هله وفنجان ما تحتار
من تأخذ قرارك تسكت الورعان
يا حس الوكت وحجاية للخرسان
…..
صادق حيدر الخفاجي
بغداد / العراق
18/ 7/ 2019
Comments are closed.