احس بيك من امس بس انت يومك فات مترجع الشمس بختك ترى اتعثر
واليحجي الصبح ندمان كلش حيل مايدري بونين الليل من يكثر دمك يحترك وشريان كلبك روح ماتدري الكلب جاماته تتفسر
عذرتك موش احبك بس طبع بيه وطبع نخله ورطب مطرور بس انطي الحواليه انا ابنادم سخي عزبت بالكلفات
وموش علل الشلاع تعز مساحيه ولاطبعي من هيجن بس ومض بارود اتجيها بركاده تجيس بالميه
ولاصوتي طلع من عاتبت بياع انا الشاري الوحيد بغير منيه بس هي السوالف تطحن بهل الروح موبطران
واذكر محاجبه ادلي بالفتك وانطيه ابره وخيط يكلي الليل اظلم يصعب عليه جا هي السواف تنحجي بالسوك
لوسرك بهاته وملح مابيه ولا ذرة ملح جان الحجي وياك بس عديناها فشله وغصبن عليه
الشاعر / صادق حيدر الخفاجي
العراق
Comments are closed.